ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ឱ្យអត់ទាំងអស់គ្នាទៅ! ឈ្លោះគ្នាដណ្ដើមភ្ញៀវនៅឆ្នេរសាធារណៈ ឥឡូវអាជ្ញាធរចាត់វិធានឈប់ឱ្យលក់ហើយ

  • ចុះផ្សាយថ្ងៃទី០៦ ខែមករា ឆ្នាំ២០២៣ ម៉ោង ១១:២៨ នាទី ដោយ Sorm Pheaktra
  • 1736
  Aa |   aA

ក្រុងព្រះសីហនុ៖ នៅព្រឹកថ្ងៃទី៦ ខែមករា ឆ្នាំ២០២៣នេះ រដ្ឋបាលក្រុងព្រះសីហនុបានចុះណែនាំដល់ពលរដ្ឋអ្នកលក់ដូរនៅឆ្នេរលំហែកាយ ឱ្យបញ្ចប់សកម្មភាពវាតទីលើឆ្នេរសាធារណៈលក់ដូរអាណាធិបតេយ្យទៀត បន្ទាប់ពីបានឈ្លោះគ្នាដណ្ដើមកន្លែងលក់ និងដណ្ដើមភ្ញៀវបង្ហោះពេញបណ្ដាញសង្គម។

គួរឱ្យដឹងដែរថា កាលពីថ្ងៃម្សិលមិញនេះអ្នកលក់ពីក្រុមនៅតាមឆ្នេរមួយក្នុងក្រុងព្រះសីហនុបានឈ្លោះគ្នាដណ្តើមវាតទីដីឆ្នេរសាធារណៈសម្បត្តិរដ្ឋ ដែលជាឆ្នេរសារធាណៈសម្រាប់ពលរដ្ឋទូទៅមកលេងកំសាន្ត។ សកម្មភាពអ្នកលក់ដូរឈ្លោះដណ្តើមកន្លែងឱ្យភ្ញៀវទេសចរ ដោយគ្មានការចេះចែករំលែកគ្នា ថែមទាំងបង្ហោះសកម្មភាពឈ្លោះគ្នា ក្នុងបណ្តាញសង្គម ធ្វើឲ្យគ្មានសណ្តាប់ធ្នាប់ក្នុងសង្គមប៉ះពាល់អាជ្ញាធរមូលដ្ឋានថែមទៀត។

គួររំលឹកថារដ្ឋបាលក្រុងព្រះសីហនុ កាលពីថ្ងៃទី៣ ខែមករា ឆ្នាំ២០២៣ កន្លងទៅ បានប្រកាសជាសាធារណៈម្តងទៀត ដល់សាធារណៈជនឱ្យបានដឹងថា ឆ្នេរសាធារណៈទុកសម្រាប់ពលរដ្ឋ ភ្ញៀវទេសចរមកលេងកម្សាន្ត ដោយពុំមានតម្រូវឲ្យបង់ប្រាក់នោះទេ។

ប្រកាសរបស់រដ្ឋបាលក្រុងជាថ្មីម្តងទៀតនេះ ធ្វើឡើងក្រោយមានអ្នកឆ្លៀតឱកាសចាប់យកកន្លែងមួយចំនួនដាក់តុកៅអីសម្រាប់ជួលឲ្យភ្ញៀវទេសចរ។

រដ្ឋបាលក្រុងព្រះសីហនុបញ្ជាក់ថា ការមកលេងកម្សាន្តនៅតាមឆ្នេរ គឺមិនមានការបង់ប្រាក់ទេ បងប្អូនអាចក្រាលកន្ទេលអង្គុយលេង ឬពិសារម្ហូបអាហារបានជាធម្មតា ប៉ុន្តែមិនអនុញ្ញាតឲ្យមានវាតទីយកឆ្នេរសាធារណៈធ្វើជាទីតាំងផ្ទាល់ខ្លួន ដើម្បីប្រកបអាជីវកម្មជាដាច់ខាត។

ករណីអ្នកទេសចរជួបប្រទះការទារលុយតាមឆ្នេរសាធារណៈ សូមទាក់ទងក្រុមការងាររដ្ឋបាលក្រុងទូរស័ព្ទលេខ 096 723 6600៕


ព័ត៌មានជាច្រើនទៀតសម្រាប់អ្នក